Glannau Menai: Cywydd heb fod dros 12 llinell.

Ailgydio

(yn sgîl perfformiad awyr agored Y Bont)

Wyt ti'n cofio tafod tân
ein paent yn lliwio'r pentan?
Taer iawn fu'n lleisiau'n eu tro
ond ynom bu edwino;
lle ynom mae cynlluniau
ac Aber ein hyder iau?

Edrych! – a gwêl ailadrodd,
mae iaith yn herio 'run modd;
os staen hen yw'n protest ni
daw eraill â'u posteri.
Gwêl Drefechan ein hanes
yn griw iau'n aildanio'r gwres!

Annes Glyn

9