còmhla ri Emma NicLaomainn

Tha ath-riochdachaidhean beò-dhealbhach de leabhraichean Julia Donaldson a-nis mar thradisean Nollaig air a' BhBC bho thòisichear leis an Gruffalo ann an 2009. Tha an còmhnaidh sgioba-cluich gu math clìuiteach nan lùib a tha a' tarraing an teaghlach air fad. Am bliadhna 's e Banais na Càraid-ròcais a thèid fhaicinn air BBC a h-aon air Là na Nollaig, agus tha tionndadh Gàidhlig ri fhaicinn air BBC Alba. B'iad Solus Productions a bha an sàs ann a bhith a' toirt an tionndadh Gàidhlig air, agus tha an stiùiriche, Tony Kearney ag innse na bhith na lùib. Tha cuideachd Aonghas Moireasdan, manaidsear Acair, a dh'fhoillsich a' mhòr-chuid de na tionndaidhean Gàidhlig air leabhraichean Julia Donaldson, a' beachdachadh air carson a tha uidhear de mheas aig daoine air na leabhraichean aice.
Tha clàr-ama ùr geamhraidh as an Roinn Eòrpa airson seirbheisean eadar-rèile a' ciallachadh gu bheil mòran theaghlaichean gan cleachdadh airson siubhal aig àm na Nollaig. Tha an t-eòlaiche siubhail, Dàibhidh Byrne, air a bhith a' toirt sùil air na leudachaidhean agus a' bhuaidh a bhios aca.
Agus a' leantainn oirnn leis an t-sreath Fìor neo Breug, 's e an cleasaiche Artair Donald a tha a' feuchainn ri Emma a mhealladh an-diugh.