le Cathy NicDhòmhnaill

'S iad Iain S Moireasdan agus Ruairidh Rothach a tha a' toirt sùil air na colbhan beachd dhuinn an-diugh còmhla ri Cathy NicDhòmhnaill.

Nì Tormod MacLeòid lèirmheas air Heartbeats: A memoir by Bjorn Borg, leabhar far a bheil an cluicheadair teanas a' toirt dhuinn a sgeulachd-beatha ann an dòigh gu math fosgailte.

Ann an 2023 leig Prìomhaire Sealainn Nuadh, Jacinda Ardern, dhi a dreuchd 's i ag ràdh nach b' urrainn dhi cumail oirre san dreuchd leis na briathran seo: "no longer had enough in the tank". Bha i air a bhith san dreuchd còrr is còig bliadhna. Anns an ùine a bha sin bha aice ri dèiligeadh ri covid agus ionnsaigh ceannairc air mosg ann an Christchurch am-measg gu leòr eile. Tha film-aithriseach, Prime Minister, ag innse mu na dùbhlain a bha roimhpe san dreuchd agus na beatha phearsanta. Bheir Maureen NicLeòid dhuinn a beachd air a' film.