còmhla ri Emma NicLaomainn

Chaidh a' chiad dealbh de thaghan ann an ceud bliadhna a ghlacadh air camara a chaidh a chur air dòigh gus sùil a chumail air bìobharan ann an Dorset. Tha 2025 air fhaicinn mar bhliadhna gu math soirbheachail airson seallaidhean de fhiadh-bheatha. Tha ùidh mhòr aig an Dotair Priscilla Scott ann a bhith a togail dheilbh de fhiadh-bheatha agus tha i ag innse an tlachd a tha i a' faighinn as.
Tha taisbeanadh ri fhaicinn ann an Dùn Èideann an-dràsta de dheilbh Alfred Buckham. Se an 'Daredevil Photographer' a bhathas a gabhail air ri linn 's na dealbhan iongantach a thog e dhan talamh bhon adhar. Thug Ailean Dòmhnallach sùil air an taisbeanadh agus tha e an-diugh a' beachdachadh air Alfred Buckham mar neach-dhealbh.
Agus a-rèir rannsachadh tha barrachd air leth do theaghlaichean ann am Breatainn fhathast a' suidhe còmhla gus ròst ithe air an t-Sàbaid. Tha dithis còmhla rithe Emma ag innse cho tlachdmhor sa tha seo dhaibhsan mar theaghlaichean.