le Cathy NicDhòmhnaill

'S iad Ruairidh Rothach agus Murchadh MacLeòid a tha cuide ri Cathy NicDhòmhnaill an-diugh, le 'n taghadh fhèin bho cholbhan nam pàipearan-naidheachd bhon deireadh-sheachdain.

‘Eilean Mòr aig aon duine is sinne gun fheannag’ - sin an tiotal a th'air taisbeanadh ùr mun fheadhainn a chaidh dhan phrìosan ann an 1908, son èirigh an aghaidh na h-uachdarain agus diùltadh eilean Bhatarsaigh fhàgail. Bha sinn-sinn-seanair an ealanaiche Calum MacFhearghais nam measg. 'Se sin a thug air an taisbeanadh a chruthachadh agus tha e fhèin ag innse dhuinn mu dheidhinn.

Tha sinn a' cuimhneachadh air an Dotair Jane Goodall, a chaochail an t-seachdain a chaidh. Chuir i seachad a beatha a' fuireach am measg agus a rannsachadh siompansaidhean is beathaichean eile agus a' strì as leth maith na h-àrainneachd. Tha Caoimhin Walker ag innse mun stiùir a thug i do chompanaidh telebhisean aig a bheil e fhèin ag obair.