Afon Cleddau: Pennod 3

Gan gychwyn wrth Gei Landshipping mae Elinor Gwynn a Sian Elis yn ein tywys ni drwy hanes trychineb glofaol yn Landshipping yng nghanol y 19eg ganrif. Stori ddirdynnol sydd wedi mynd yn angof.
Mae Elinor a Jon wedyn yn crwydro drwy goedwig Lawrenny ac mae Andrew Green yn rhoi hanes dylanwad dwfn yr ardal ar yr artist Graham Sutherland - a roddodd ei waith i Gymru ac a fu mewn arddangosfa barhaol yng Nghastell Picton am flynyddoedd.
Yna llam a naid at y Dderwen Gam sydd rhyw filltir o Gapel Millin lle byddai'r bardd Waldo Williams yn aml yn pendwmpian dros nos er mwyn mynd at y Dderwen Gam ar doriad gwawr.
Crwydro wedyn ar hyd yr afon Cleddau Ddu hyd at le digon cudd sef lleoliad Capel Rhydwilym. Cyfle yng nghwmni Hedd Ladd Lewis i glywed am sefydlu'r achos anghydffurfiol yn Rhydwilym a sut yr erlidiwyd yr aelodau cynnar. Ychydig o Ganu Pwnc yn sŵn yr afon.
Lefi Dafydd - cerddor, cerddwr ac ysgolhaig ifanc o'r ardal sydd yn rhoi blas i ni o enwau llednentydd a darnau o'r tirlun wrth swatio ger tarddle'r afon.