le Cathy NicDhòmhnaill

Bi fhios aig toiseach na h-ath mhìos, cò ghlèidheas duais litreachais Booker na bliadhna seo. Bheil sibh a' leantail liostaichean leabhraichean 's a bheil duaisean is farpaisean litreachais a' toirt buaidh air dè thaghas sibh son leughadh?

"Total eòin" - an cuala sibh riamh am facal? Tha podcastan ùr ri'n cluinntinn air BBC Sounds dhen t-sreath soirbheachail, Facal Oirbh, a bh'air BBC Radio nan Gàidheal bho 1993 gu 2000. Tha sinn a' faighinn blas air dè bhios unnta agus am beartas cainnt a tha nan luib.

'S e Murchadh Iain Dòmhnallach, cèiliche na seachdain. Tha Murchadh Iain fìor aithnichte air taobh siar Leòdhais, far a bheil e air a bhith dràibheadh bus beag, a' toirt clann dhan sgoil son dà fhichead bliadhna! Tha e direach air an dreuchd sin a leigeal seachad agus partaidh air fàire dhà 's a sgìre. Cluinnidh sinn cuideachd bho fheadhainn a bh' air bòrd am bus thar nam bliadhnaichean!