le Cathy NicDhòmhnaill

Tha trioblaidean gu leòr air fàire do dh' eaconamaidh na h-Alba - agus cha bheag dhiubh sin a tha an cois togail-shoithichean air Chluaidh. Far an robh uaireigin na mìltean mòra ag obair ann an iomadach gàrradh, tha an obair agus na cùmhnantan an-diugh gu math gann. Le ceistean às ùr ro Ghàrradh MhicFhearghais, tha Cathy a' bruidhinn ri triùir a tha gu math eòlach air soithichean gus faighneachd: dè dìreach a th' air fàire do thogail shoithichean ann an Alba?

Cluinnidh sinn cuideachd mu thaisbeanadh air loidhne de stòras iongantach le Taighean-Tasgaidh Nàiseanta na h-Alba.

Agus le 100 bliadhna bho chaidh The Great Gatsby fhoillseachadh, carson a tha an nobhail Aimearaganach seo le F. Scott Fitzgerald air buaidh cho mòr a thoirt air litreachas na Beurla air an dà thaobh dhen chuan?