le Emma NicLaomainn

S iomadh caileag aig an robh postair de Charlie Sheen air am balla anns na h-ochdadan, nuair a bha e aig àrd ìre na dhreuchd mar chleasaiche, a-measg buidheann a' Bhrat Pack. Ach chaidh cùisean gu math ceàrr dha 's e gu mòr an urra ri dhrugaichean agus deoch làidir. Tha prògram ùr aithriseach air Netflix an-dràsta le Charlie Sheen fhèin, cuid de theaghlach agus a charaidean a' coimhead air ais air àm nuair a bha cùisean gu math riaslach na bheatha. Tha Patsi NicChoinnich, aig a bheil cuimhne glè mhath air a bhith dol dhan taigh-dheibh a choimhead fiolmaichean Sheen, air sùil a thoirt air a' phrògram.
Tha geamannan gu math cudromach air an ath oidhche ann an Lìog Ball-coise Leòdhas agus na Hearadh, agus tiotal na lìog air a dhol sìos chun na geamannan mu dheireadh. Tha Coinneach Macleòid ag innse do dh'Emma mar a tha cùisean a' laighe airson gach sgioba.
Agus tha an còmhlan Lusa a' cluich aig cuirm Black Isle Calling a th'air a-nochd agus an ath-oidhche. Tha Ruairidh Greumach bhon chòmhlan ag innse do dh' Emma dè tha fa-near dhaibh.