Artist ifanc o Ferthyr Tudful, nofel newydd gan Simon Chandler ac arddangosfa yn dathlu cymeriadau Ynys Môn.

Ffion Dafis a'i gwesteion yn trafod y byd celfyddydol yn ei holl amrywiaeth, a hynny yng Nghymru a thu hwnt.

I gyd-fynd gyda thymor o raglenni BBC Cymru yn ardal Merthyr Tudful mae Ffion yn cael sgwrs gydag artist ifanc o'r dref, sef Gwenllian Davenport.

Hefyd yn y rhaglen mae Ffion yn sgwrsio gyda Simon Chandler, siaradwr Cymraeg newydd o Fanceinion sydd newydd gyhoeddi ei ail nofel yn y Gymraeg o'r enw 'Hiraeth Neifion'.

Ac yna yn olaf, mae'r artist aml-gyfrwng Rebecca Hardy yn adolygu arddangosfa yn Oriel Môn sydd yn dathlu rhai o gymeriadau arbennig yr ynys.