Dealbh-chluich le Sgoil an Rubha

As t-earrach am-bliadhna bha sgoiltean Leòdhais ‘s na Hearadh a’ comharrachadh ceud bliadhna de eachdraidh a’ Mhorair Leverhulme sna h-eileanan agus, ri linn mar a dh’fhàg e an talamh aca, mar a chaidh a’ chiad urras fearann coimhearsnachd riamh a stèidheachadh ann an 1924 fo ainm Urras Steòrnabhaigh. Rinn cuid de sgoiltean deilbh-chluich airson a’ Mhòid agus chaidh ceithir chuirmean a chur air chois fo sgèith a’ phròiseict, Dìleab.

A seo cluinnidh sibh sgoilearan Sgoil an Rubha leis an dealbh-chluich acasan agus Iain MacAsgaill ag innse na sgeòil. Chaidh an dealbh-chluich a sgrìobhadh le Anna Frater.

Fhuair Dìleab-Leverhulme - compàirteachas eadar Roinn Foghlam, Sgilean agus Seirbheisean Chloinne Chomhairle nan Eilean Siar agus Fèisean nan Gàidheal - taic bho Riaghaltas na h-Alba agus chaidh an dealbh-chluich a chlàradh le Sgioba Ioma-mheadhain Chomhairle nan Eilean Siar.