01/01/2025
Fred MacAmhlaigh ann an còmhradh ri Dòmhnall Moireasdan mu bheatha ’s mu bhàrdachd. The late Fred MacAulay discusses his life and poetry with Donald Morrison.
Tha ceud bliadhna an-diugh bho rugadh an t-sàr chraoladair, an sgoilear eachdraidh agus canàin, am bàrd agus, as cionn a h-uile càil tha sin, an t-Uibhisteach, Fred MacAmhlaigh, Freadaidh Dhòmhnaill Bhàin a' Mhullaich à Solas.
Anns a' bhliadhna 2000 rinn Fred 's am fear-naidheachd Dòmhnall Moireasdan, sreath phrògraman còmhla a' còmhradh mu na bh' aig cridhe beatha Fred eadar teaghlach, cànan agus craoladh. A thuilleadh air a sin fhuair sinn cuid de a bhàrdachd a tha a' toirt sealladh air a bheatha fhèin agus air a bheachd air cor na Gàidhealtachd agus cor an t-saoghail.
Sa phrògram seo 's ann air a shinnsireachd agus eachdraidh sgìre Sholais, a theaghlach a bha cho gràdhach aige, a làithean sgoile an Uibhist agus buaidh a' chogaidh air a bheatha a tha iad a-mach.
Cluinnidh sinn cuideachd a bhàrdachd aige - 'Seonaidh Aonghais Bhàin', 'Uilleam a’ Mhiseanaraidh', 'Tilleadh', 'Freumhaichean', 'Còmh-Thràth Mo Bheatha', 'Dòmhnall Bàn' agus 'Mòr-Anna'.
Last on
Broadcasts
- New Year's Day 202509:00BBC Radio nan Gàidheal
- New Year's Day 202521:00BBC Radio nan Gàidheal
