le Cathy NicDhòmhnaill

Aig cuirm ann a Lunnainn a' comharrachadh Clàran an t-Saoghail aig Guinness bho chionn ghoirid, choinnich am boireannach as àirde san t-saoghal ris an tè as lugha. Tha còrr air seachd troighean a dh'àirde ann a Rumeysa Gelgi às an Tuirc ach chan eil ann a Jyoti Amge às na h-Innseachan ach 62cm a dh'àirde. Tha an t-Ollamh Alasdair MacChoinnich, a tha na eòlaiche gintinneachd, a' toirt sùil air dè a tha gar riaghladh nuair a thig e gu àirde.

Tha aoighean ann an còmhradh ri Cathy mu na tràchdasan inntinneach a thagh iad fhèin mar chuspair rannsachaidh. Tha Diorbhail Wentworth air pàipear a sgrìobhadh mu bhanachdach do rabies ann an Ceinia 's tha Moira Piazzoli air a bhith a' rannsachadh beul-aithris co-cheangailte ri bothain-àirigh.

Tha bùth ainmeil, Tam Shepherd's Trick Shop air dùnadh ann an Glaschu an dèidh 138 bliadhna sa bhaile. Tha Artair Donald a' coimhead air ais air eachdraidh na bùtha agus a' cuimhneachadh air na turais a thadhail a fhèin innte.

Chuala sinn an-dè gun do chaochail an t-ùghdar ainmeil, Barbara Taylor Bradford, aig aois 91. Na là, bha i aithnichte mar grand-dame na 'blockbusters'. Tha Faye NicDiarmid a' coimhead air ais air a beatha.