còmhla ri Cathy NicDhòmhnaill

Leis a' gheàrr-liosta airson togalach Albannach na bliadhna air ainmeachadh, dh'iarr Cathy air an ailtire Màrtainn Mac a' Bhàillidh agus am fear-togail Iain MacÌomhair sùil a thoirt air na farpaisich eadar-dhealaichte air feadh na dùthcha. Saoil dè shaoil iad dhiubh? Is cò aca a bhuannaicheadh nam biodh iadsan nam britheamhan?

Thug a' bhana-bhàrd Anna Frater sùil air an leabhar bàrdachd ùr aig Aonghas Mac a' Mhaoilein - The Ways of Salt - dhuinn.

Choisinn Shelagh Chaimbeul duais airson ficsean aig Duaisean Litreachais na Gàidhlig air a' mhìos seo, agus 's i cèiliche na seachdain. Eadar a h-obair aig Roinn nan Inbhean Malairt, a teaghlach aig a bheil dlùth cheangail ri sgrìobhadh, agus mar a thàinig i fhèin gu sgrìobhadh sa chiad àite, 's iomadh cuspair air an do rinn i fhèin is Cathy cagnadh.

Le 900 bliadhna bho chaidh Cathair Eaglais Naomh Giles ann an Dun Èideann a thogail, chaidh Cathy a thadhal air an togalach eachdraidheil sa an teis-mheadhain cathair-bhaile na h-Alba. Cuide rithe bha dithis a tha gu math eòlach air adhradh is eachdraidh an togalaich; an t-Urr. Aonghas Mac a' Ghobhainn, agus an Dr Urr. Aonghas Moireasdan.