le Cathy NicDhòmhnaill

Bheir Coinneach Mac a' Ghobhainn dhuinn eachdraidh-beatha Pavel Durov, ceannard na làraich-shòisealta Telegram, a chaidh a chur an grèim san Fhraing aig deireadh na seachdain.

Thèid an taisbeanadh Where the Sea Meets the Road fhosgladh gu h-oifigeil Disathairne ann an Taigh Chearsabhagh agus tha cothrom eile againn èisteachd ri còmhradh a bh' aig Aileen Elder le Tormod MacLeòid agus Dòmhnall MacIllEathain na bu tràithe air an t-samhradh, a' gabhail cuairt timcheall air an taisbeanadh mu eachdraidh Chaledonian Mhic a' Bhruthainn.

Le na Geamannan Parailimpigeach a' tòiseachadh sa Fhraing, tha Patsi NicChoinnich, a tha a' fuireach san dùthaich an-dràsta, a' toirt sùil air adhart air na geamannan.

Agus tha Lisa NicDhòmhnaill a' dèanamh lèirmheas air A Highland Schoolgirl, 1895 - cuimhneachain, deilbh, agus clàraidhean sgrìobhte Màiri Anna NicChoinnich à Scoraig, air a chur ri chèile mar leabhar le Claire Pepper.