le Cathy NicDhòmhnaill

Tha cothrom aig barrachd dhaoine na riamh roimhe, bhòtadh ann an taghaidhean choitcheann air feadh an t-saoghail am-bliadhna. A-mach à còrr air dà fhichead taghadh choitcheann a tha a' gabhail àite, chan eil ach ochd-deug dhiubh far a bheil boireannaich a’ seasamh airson dreuchd a' chinn-suidhe. Ach tha aon dùthaich far a bheil dòchas gum faighear ceann-suidhe boireann airson a’ chiad uair. Ann a Meagsago, tha dithis den triùir a tha a' seasamh boireann. Tha Maureen NicLeòid air a bhith a' leantainn suidheachadh poilitigeach Mheagsago.

Dè mar a tha àm breith nan uan air a bhith am-bliadhna do chroitearan is do thuathanaich? Bha mòran a' gearain air feadh na rìoghachd mu aimsir fhliuch. Tha sinn a' cluinntinn bho fheadhainn ann an diofar cheàrnaidhean mar a chaidh leotha thuige seo.

'S tha Aonghas Pàdraig Caimbeul air a bhith a' rùileach tro thasglann nam pàipearean-naidheachd, a' sireadh sgeulachdan inntinneach agus annasach a nochd annta air an t-seachdain s' ann an eachdraidh. 'S ann bhon Highland News a tha e air criomagan na seachdain sa a thaghadh, sa bhliadhna 1884. Am measg na th' aige, tha croitearean gam fuadach ann an Tiriodh agus gearain mu chus obrach ga bhruthadh air sgoilearan Inbhir Nis.