Còmhla ri Cathy NicDhòmhnaill

Tha mòran ùghdarrasan ionadail air atharrachadh mòr a thoirt air na làithean a bhios seòrsachan sgudail eadar-dhealaichte ga thogail, a' fàgail dhaoine ann am bùrach. Chosg Comhairle Dhùn Dè £11,000 air app a chumas daoine ceart ach chaneil mòran dhaoine ga chleachdadh. Tha Cathy air a bhith a' cluinntinn mar a tha cuid agaibh a' faireachdainn mu na h-atharraichean anns na sgìrean agaibh fhèin?

Tha pasgan ùr ga chruthachadh air-loidhne, anns na h-Eileanan an Iar, de bhucais an oir a' rathaid, a tha a' reic ghnothaichean leithid cèicichean, silidh, uighean is eile. Dè na riaghailtean a th' ann a thaobh a bhith a' reic an oir a' rathaid? Chuala sinn bho fheadhainn a tha ris agus bho chuid a leig seachad e sgàth 's na bha de stuth ga ghoid.

Buinidh cèiliche na seachdain sa Michael Bauer dhan Ghearmailt, ged a tha e an-diugh a' fuireach ann an Alba far a bheil e ag obair làn-uine na eadar-theangaiche.

Chuala sinn bho Mhàrtainn Mac an t-Saoir mun leabhar ùr aige, A' Ruith Eadar Dà Dhràgon, cruinneachadh de chòrr is leth-cheud pìos bàrdachd a sgrìobh e sa Ghàidhlig fhads a bha e a' siubhal eadar Catalonia 's A' Chuimrigh bho 2019 gu 2020, le eadar-theangachadh Beurla, Cuimris agus Catalanach.