Caidheagadh Linne Shlèite

Tro sheachdainean an t-samhraidh, tha cothrom air a bhith aig Coinneach Mac a' Ghobhainn a dhol a-mach air diofar chuairtean ann an ceàrnaidhean eadar-dhealaichte dhen dùthaich.

'S ann aig muir a tha Coinneach anns a' phrògram sa - ann an caidheag-mara, cuide ri Janni NicUilleim. Buinidh Janni dhan Ghearmailt bho thùs, ach 's ann garbh eucoltach ri Cologne, baile h-àraich, a tha Slèite. Còmhla ris an duine aice, tha companaidh aca a bhios a' toirt dhaoine a-mach air chuairtean, ach tha i cuideachd air a bhith an-sàs gu mòr ann an Sabhal Mòr Òstaig bho thàinig i a dh'Alba.

Tha i gar toirt air turas caidheag sìos seachad air bailtean is cladaichean an eilein, agus a' beachdachadh air mar a thàinig i gu bhith a' fuireach sa sgìre, mar a thog i a' Ghàidhlig agus ùidh san dualchas, agus cuideachd mar a tha i a' dèanamh a beòshlàint le turasan dhen leithid air a' Ghàidhealtachd. Agus tha Coinneach ag ionnsachadh gu dè cho duilich 's a tha e tilleadh gu caidheag às dèidh còrr air fichead bliadhna!