Pobl bro yr Eisteddfod

Terwyn Davies sy'n sgwrsio gyda rhai o gynhyrchwyr bwyd a phobl busnes ardal yr Eisteddfod Genedlaethol yn Llŷn ac Eifionydd.

Rhian Tyne sy'n sôn am ei chwmni, Cig Carw Llŷn ym Moduan, a Jim Ellis, y ffermwr o'r Ffôr sy'n trafod sut y trawsnewidiodd adeiladau ar ei fferm i gynnig llety i ymwelwyr.

Hefyd, hanes Dafydd Povey a'i gwmni cigyddion o Chwilog, a Geraint Jones o Fecws Islyn yn Aberdaron ac Emlyn Roberts o Gigoedd y Llain yn trafod y cydweithio sydd wedi bod rhyngddyn nhw i wneud yn siŵr fod cwsmeriaid yn gallu prynu cig yn lleol eto.

A chawn glywed hanes sefydlu cwmni hufen iâ Glasu gan Annwen Roberts, sy'n cynhyrchu hufen iâ o fewn pedair milltir i faes yr Eisteddfod.