còmhla ri Cathy NicDhòmhnaill

Mar a chuala sinn tron t-seachdain, tha muinntir Arcaibh a' toirt beachd air am biodh iad na b' fheàrr dheth Breatainn fhàgail agus dòighean eile riaghlachais a lorg. Tha an Dr Dòmhnall Uilleam Stiùbhart a' toirt sùil air na ceanglaichean làidir eachdraidheil eadar eileanan na h-Alba agus na dùthchannan Lochlannach.

Tha trì fichead bliadhna ga chomharrachadh bho chaidh Tunail Chluaidh fhosgladh. Tha sinn a' cluinntinn chriomagan bho thasglann BBC Radio nan Gàidheal, co-cheangailte ris an tunail agus na h-aiseagan a b' àbhaist a bhith air Chluaidh. Tha Cathy cuideachd a' bruidhinn ri Aonghas MacGuaire aig a bheil cuimhne air an tunail ga thogail agus ri Aonghas MacIllìosa a tha na einnseanair le eòlas air drochaidean.

Tha taigh-òsta Àird a' Bhàsair, aon de na taighean-òsta as sine san Eilean Sgiathanach, ga reic. Tha sinn a' coimhead air ais air eachdraidh an àite agus a' cluinntinn beagan bho fhear a chur seachad mòran de dh' òige ann.

Tha World Chocolate Day ann a-màireach. Tha an còcaire, Ùisdean MacLeòid a' toirt thugainn blas air na rudan as fheàrr leis fhèin a bhith dèanamh le seoclaid.