còmhla ri Cathy NicDhòmhnaill

Bhon diugh, tha meadhan baile Ghlaschu ga chomharrachadh mar sgìre beag-eimisein. Mu tha seann char agad neo einnsean a tha a' truailleadh na h-àrainneachd, chan eil e ceadaichte dhut a thoirt a-steach gu meadhan a' bhaile. Tha Cathy ann an còmhradh ri feadhainn mun a seo, 's a' faighneachd ciamar a tha 'd a' faireachdainn mu dheidhinn agus mu na plànaichean airson an aon rud a dhèanamh ann am bailtean mòra eile na h-Alba.

Thèid seann sgoil Sir John Maxwell air taobh a deas Ghlaschu a leagail a dh'aithghearr. B' e seo a' chiad sgoil anns an deach ionad-Ghàidhlig a stèidheachadh sa bhaile. An-diugh tha Cathy a' bruidhinn ri cuid den fheadhainn a bha an luib an ionad sin anns na tràth làithean.

Gach Diardaoin, tha aoighe air a bhith a' taghadh leabhar às a' chàrn - leabhar a th' air a bhith a' laighe air a' sgeilp airson co-dhiù còrr air bliadhna. An-diugh, tha Tom MacIllFhinnein air Fatal Passage le Ken McGoogan a thaghadh.