Còmhla ri Cathy NicDhòmhnaill

Tha an dòigh sa bheil sgoiltean gan sgrùdadh air a bhith sna naidheachdean tric bho chionn ghoirid. An t-seachdain sa bha Cathy NicDhòmhnaill a' bruidhinn ri triùir a b' àbhaist a bhith nan ceannardan-sgoile mu na bhios a' tachairt sna sgoiltean nuair a tha sgrùdadh air fàire. Ciamar a bhios a' luchd-teagasg ag ullachadh agus a' dèiligeadh ris an uallach? Còmhla ri Cathy airson sin a fhreagairt bha Calum MacAoidh, Dòmhnall Dòmhnallach, agus Màiri NicAonghais.

Bho chionn leth-cheud bliadhna, ann an 1973, chaidh fòn-làimh a chleachdadh airson a' chiad uair. Ach cò an fheadhainn a bha gan cleachdadh? Agus cò iad a chruthaich an teicneòlas ùr? Bha Calum Iain Bartlett ag innse sgeulachd nam fònaichean-làimhe.

Tha leth-cheud bliadhna ga chomharrachadh bho nochd an dealbh-chluich ainmeil, The Cheviot, The Stag and the Black, Black Oil, air a sgrìobhadh le John McGrath. Dè a dh'fhàg an dealbh-chluich seo cho ainmeil agus soirbheachail chun là an-diugh? Fhuair Cathy beachd Dolina NicIllinnein a bha na luib bho thùs.