04/08/22 le Cathy NicDhòmhnaill

Tha 250 bliadhna ga chomharrachadh an t-seachdain-sa bhon a thàinig crìoch air aon de na dùthchanan is motha 's bu chumhachdaiche a bha riamh san Roinn Eòrpa. B 'e sin nuair a chaidh Lithuania agus A' Phòlainn a' sgaradh bho chèile. Cluinnidh sinn bho Jarosław Kwiecień anns A' Phòlainn mu carson a tha cho beag aithne aig a' mhòr-chuid an-diugh, mun rìoghachd a bh' ann.

Am bu chòir do chlann a dhol dhan sgoil aig aois 6 seach aig 5? Thèid bruidhinn air a sin aig co-labhairt Pàrtaidh Nàiseanta na h-Alba san Dàmhair. Gheibh sinn beachd air a sin.

'S e àm an fhuthair a th' ann, a ciallachadh gu bheil bainne a' tionndadh is biadh eile a' seacadh an ceann là neo dhà. Tha an Dotair Dòmhnall Uilleam Stiùbhart a' toirt sùil air an fhuthar ann an eachdraidh.

Agus 's e bathar-bainne a tha fainear dhan chòcaire Alasdair MacLeòid cuideachd, 's esan a' toirt sùil air stuthan-bìdhe a dh'atharraich eachdraidh an t-saoghail. An-diugh, ùrachd na bà agus ola.