Aonghas Dubh MacNeacail, Dòmhnall Manford agus James Goodfellow

A' comharrachadh gu robh am bàrd Aonghas Dubh MacNeacail ceithir fichead bliadhna a dh'aois Dimàirt a chaidh. Tha còignear de luchd-dàimh gu bhith a' toirt luaidh air an obair aige - an neach-ciùil Màiri Anna NicUalraig, a' bhana-bhàird Anna Frater agus na bàird Pàdraig MacAoidh, Rody Gorman agus Maoilios Caimbeul 's iad a' beachdachadh air a' chliù a th' aig Aonghas MacNeacail ann an saoghal litreachais; mar tha e air an cànan 's an cultar a bhrosnachadh 's air a thoirt gu aire an t-sluaigh, chan ann a-mhain sa Gàidhealtachd ach gu nàiseanta agus eadar-nàiseanta.

'S e Dòmhnall Manford, a bha na chomhairliche airson sgìre Bharraigh, Bhatarsaigh, Èirisgeigh agus Uibhist a Deas airson trì bliadhna fichead, Ceiliche na Seachdain.

Bheir Calum Iain Bartlett dhuinn eisimpleir eile de dh'innleadair Albannach, is e a' bruidhinn air James Goodfellow a chruthaich an ATM, an inneal a tha a leigeil dhuinn airgead a thoirt às an cunntas-banca againn le cairt a chur ann. Gheibh sinn beachdan air mar a tha an dòigh sa bheil sinn fhìn a' làimhseachadh airgead air atharrachadh thar nam bliadhnaichean.