09/12/21 le Cathy NicDhòmhnaill

Cò a dh'iarradh sibh gu diathad na Nollaige, carson agus dè a bhiodh air a' bhòrd? Eadar seo agus an Nollaig, cluinnidh sinn bho chuideigin gach seachdain; an-diugh, Mark Mac a' Ghobhainn.

Tha Iona NicIlleBhàin ag innse mar a tha i fhèin a' cuimhneachadh air an àrainneachd nuair a tha i a' deasachadh airson na Nollaige.

Chaidh na ciad earrannan de choimisean ColmCille 1500 fhoillseachadh an t-seachdain sa. Chaidh an toirt seachad do luchd-ealain air feadh nan dùthchannan Ceilteach, às leth Foras na Gaeilge, prìomh bhuidheann leasachaidh Gàidhlig na h-Eireann. Am measg na fhuair coimisean ann an Alba, tha am bàrd, seinneadair is craoladair Marcas Mac an Tuairneir, stèidhichte ann an Dùn Èideann. Tha Marcas ag innse do Chathy mar a fhuair e cothrom buidheann de luchd-ealain a thoirt cruinn gus am pròiseact Òran na Cille a thoirt gu buil.