28/09/21 le Cathy NicDhòmhnaill

Tha na mìltean de thiocaidean gan reic air thoiseach air film ùr James Bond, a thèid fhaicinn airson a' chiad turas ann a Lunnainn an-diugh. Bidh a' film ri fhaicinn air feadh na dùthcha bho oidhche Chiadain. Cuin a bha sibh anns an taigh-dhealbh mu dheireadh agus a bheil sibh deiseil a dhol air ais gu seòmraichean meadhanach làn?

Tha mòran a bharrachd bhainnsean a-nise gan cumail an dèidh bacadh Covid. Tha seusan traidiseanta nam bainnsean tron t-samhradh air leudachadh a-mach is càraidean airson a' chiad chothrom air pòsadh a ghabail, ge bith dè an t-àm den bhliadhna a th' ann. Gach Dimàirt tha sinn a' toirt sùil air obair an fheadhainn a tha air cùl bhainnsean - an-diugh, còmhlain ciùil.

Tha Bàrd Nàiseanta na h-Alba, Kathleen Jamie an dùil pìos sgrìobhaidh ùr mu nàdar a chruthachadh, air thoiseach air co-labhairt COP26 air an ath mhìos. Ach 's e sluagh na h-Alba fhèin a sgrìobhas a' bhàrdachd ùr. Cluinnidh sinn an tuilleadh mun phròiseact agus mun àite a th' aig bàrdachd ann a bhith a' tarraing aire gu cuspairean mòra, eadar-nàiseanta.

Ceòl bho Sting, Charlotte OC, Valley, Lola Lennox, Edward Sharpe & The Magnetic Zeroes agus Abba.

www.bbc.co.uk/feasgar