Cofio Grav

Rhaglen arbennig yn talu teyrnged i un o ŵyr enwocaf Cymru - Grav.

Ganwyd Raymond William Robert Gravell, unig fab Jack a Nina Gravell, yng Nghydweli ar y 12fed o Fedi 1951, cyn symud i Fynyddygarreg yn grwt ifanc.

Mi roedd yn chwaraewr rygbi, yn ddarlledwr, yn actor ac yn ddyn arbennig iawn a phawb trwy Gymru a thu hwnt yn meddwl y byd ohono. Roedd yn ymfalchïo yn ei Gymreictod a'i gynefin a “West is Best” oedd y gri ganddo bob amser.

Yn 2007 fe ddeffrodd Cymru i’r newyddion trist fod Ray o’r Mynydd, tra ar ei wyliau yn Sbaen efo’i wraig, Mari a’r merched Manon a Gwenan, wedi marw.
Cawn glywed atgofion lu gan ei gyfoedion o’r cae rygbi a hefyd atgofion gan lu o ffrindiau iddo ac wrth gwrs archif o’r dyn ei hun - ar y diwrnod y byddai wedi dathlu ei ben-blwydd yn 70 oed.

Mi fydd chwerthin ac mi fydd dagrau.