16/08/21 le Cathy NicDhòmhnaill

Tha Peigi Nic a' Bhiocair agus Megan Dale còmhla ri Cathy is iad a' moladh cuid de na chunnaic iad air telebhisean agus air na meadhanan-sòisealta air a’ mhìos a chaidh seachad, agus na rudan ris an robh iad ag èisteachd.

Carson a tha cultur cho cudromach aig amannan dhen t-seòrsa seo, nuair a tha cùisean riaslach air feadh an t-saoghail? B' e sin cuspair cuirm-fosglaidh Fèis Eadar-nàiseanta Leabhraichean Dhùn Èideann oidhche Shathairne. Bha an sgrìobhaiche Aonghas Pàdraig Caimbeul a' sàs sa chuirm 's tha e fhèin agus Iain MacChoinnich, a bha an làthair, ann an còmhradh ri Cathy. Bheir iad beachd cuideachd air dachaigh ùr na Fèise, 's i air gluasad bho Cheàrnag Charlotte gu Colaiste Ealain Dhùn Èideann.

Tha an t-eòlaiche-ionmhais Dòmhnall Màrtainn a' toirt sùil air naidheachdean ionmhais 's a freagairt cheistean. Faodar ceist a chur air Dòmhnall air post-d aig [email protected] neo air duilleag Facebook BBC Radio nan Gàidheal.

Ceòl bho Elton John is Dua Lipa, The Killers le Phoebe Bridgers, The Lathums, MarthaGunn agus Wild.

www.bbc.co.uk/feasgar