06/07/21 le Cathy NicDhòmhnaill

Tha clàr Fèis Eadar-nàiseanta Leabhraichean Dhùn Èideann ga fhoillseachadh an-diugh fhèin. Bidh sinn a' toirt sùil air dè bhios a' dol, cò na h-ùghdaran is na sgrìobhaichean a bhios an làthair agus bidh Mark Wringe agus Mairi Kidd a' taghadh na bu mhiann leòtha fhèin sa chlàr.

Bidh na Geamannan Oilimpigeach a' tòiseachadh air an 23mh ann an Tokyo. Ro làimh, tha Koren Pickering, a tha fìor dhèidheil air spòrs, a' deànamh sreath dhuinn air Feasgar, anns am bi i a' toirt sùil air na diofar spòrsan a bhios a' dol agus na lùth-chleasaichean a bhios an sàs annta. An-diugh, giomnastachd.

Tha sia bliadhna bhon a chaochail Jackie Collins, piuthar dhan chleasaiche ainmeil Joan Collins. Bha Jackie Collins ainmeil i fhèin mar sgrìobhaiche de nobhailean gleansach. Tha film aithriseach ùr mu a beatha, Lady Boss, ri fhaicinn an-dràsta. Gheibh sinn beachd air a film bho Mhàiri NicAmhlaigh a chaidh ga fhaicinn.

Ceòl bho Matilda Mann, Imagine Dragons, KSI, Goldfrapp, Sammy Rae & The Frienbds agus còmhlain eile.

www.bbc.co.uk/feasgar