30/06/21 le Cathy NicDhòmhnaill

Tha dhà neo trì sgeulachdan air nochdadh anns na naidheachdean bho chionn ghoirid co-cheangailte ri slàinte bhoireannach. Cluinnidh sinn barrachd mun deidhinn bhon bhanaltrum, Iseabail NicAonghais.

Gach Diciadain, bidh aoigh a' taghadh trì dealbhan a tha prìseil dhaibh. An-diugh, 's e Dùghlas Moireasdan a tha a' raghnachadh.

Bidh na Geamannan Oilimpigeach a' tòiseachadh air an 23mh den ath mhìos ann an Tokyo. An-diugh, tha Koren Pickering, a tha fìor dhèidheil air spòrs, a' tòiseachadh air sreath ùr, anns am bi i a' toirt sùil air na diofar spòrsan a bhios a' dol agus na lùth-chleasaichean a bhios an sàs annta. An-diugh, snàmh agus dàibheadh.

Ceòl bho The Wandering Hearts, Florrie, Courteneers, Aly & AJ agus Bleachers.

www.bbc.co.uk/feasgar