Dràma - Danns a’ Rathaid le Elspeth Nic an Tuairneir

Tha Anna a' fuireach leatha fhèin agus 's ann ainneamh a bhios i a' bruidhinn ri duin' eile, ach tha rud a' tachairt a tha toirt oirre càirdeas a thogail le tè ris a bheil ceangal tòrr nas dlùithe aice na bha i a' smaoineachadh. 'S e sgeulachd chianail, dhuilich a tha seo mun strì a th' aig dannsair òg ann a Lunnainn sna 50an. A' snìomh ri chèile cuspairean leithid miann faighinn air adhart, sinnsireachd agus sgaradh, tha dàimh ris nach robh dùil a' togail ceann am measg ceòl àlainn Swan Lake.

Sylvie - Màiri Mhoireasdan
Anna - Elspeth Nic an Tuairneir

Stiùiriche - Muireann Kelly
Dealbhaiche Fuaim agus Deasachadh - Matt Padden
Ceòl - Pàdruig Moireasdan

Comhairlichean Dràma - Lynda Radley agus Iain Fionnlagh MacLeòid
Riochdaire sa stiùidio - Catrìona Mhoireach
Fuaim sa stiùidio - Sara Mattinson
Co-òrdanaiche a’ phròiseict - Rhona NicDhùghaill
Riochdaire - Annella Nicleòid
Coimiseanair - Calum McConnell

'S e cleasaiche agus sgrìobhaiche a th' ann an Elspeth Nic an Tuairneir, a cheumnaich bhon American Academy of Dramatic Arts. Tha i air duaisean fhaighinn airson a deilbh-chluich ach seo a' chiad dràma airson radio aice ann an Gàidhlig.

Chaidh ‘Rudeigin Ri Ràdh’ a choimiseanadh le Theatre Gu Leòr le taic bho Alba Chruthachail agus Bòrd na Gàidhlig ann an com-pàirteachas le BBC Radio nan Gàidheal. Bhuannaich e duais na h-Ealain agus a' Chultur aig Duaisean na Gàidhlig am-bliadhna.