20/04/21 le Cathy NicDhòmhnaill

Tha cuid a bhùithean charthannais a' gearain gu bheil cus stuth a' tighinn a-steach thuca, an dèidh do dhaoine a bhith ga chruinneachadh aig an taigh tron ghlasadh. Dè na rudan a bu chòir 's nach bu chòir a chur thuca? Agus dè ghabhas a dhèanamh le stuth nach gabh a reic?

Cò leis nach bu mhiann seann tobhta taighe a sgeadachadh às ùr agus dachaigh ghleansach, bhreàgha a dhèanamh dheth? Gach cola-deug, tha sinn a' cluinntinn bho Innes MacCuithein a tha, beag air bheag, a' leasachadh seann taigh leis fhèin air Eilean Luing ann an Earra-Ghàidheal. Dè an ìre aig a bheil e an-diugh? Tha dealbhan de phròiseact Innes rim faicinn air duilleag Facebook Radio nan Gàidheal.

Agus cluinidh sinn bho oileanaich aig an robh duilgheadas eòlas-obrach fhaighinn tron bhliadhna a chaidh seachad. Tha leithid de eòlais deatamach do mhòran chùrsaichean ach tha na h-àiteachean obrach fhèin air a bhith dùinte.

Ceòl bho MarthaGunn, Tom Speight, James Bay, Gabrielle agus mòran eile.

www.bbc.co.uk/feasgar