Feasgar còmhla ri Emma NicLaomain

An d'fhuair sibh dreuchd ùr tron ghlasadh nàiseanta? Cluinnidh sinn mar a bha sin bho fheadhainn a fhuair obair ùr aig àm a bha fada bhon abhàist.

Tha film aithriseach ùr ri fhaicinn air Sky an-dràsta mu beatha an t-seinneadair ainmeil Tina Turner. Chaidh "Tina " a dheànamh mar seòrsa de shoraidh-slàn bhuaipe fhèin, is i a’ leigeil seachad a dreuchd de dh’aois 81 bliadhna! Bha an craoladair is sgrìobhaiche Seonag Monk ga choimhead.

A bheil craicinn hbanànathan abaich fìor mhath do chraobhan is planntraisean taighe? Tha fasan ùr an Astràilia far a bheil an sùgh bho chraiceann bhanànathan le beagan siùcair donn na cheann, ga chur air planntraisean. A rèir choltais, bidh na planntraisean a’ dùblachadh ann a meud! Gheibh sinn beachd bhon ghàirneilear,Calina NicDhòmhnaill.

Dè cho doirbh ‘s a tha e gu bhith soirbheachail ann an saoghal a’ chiùil mura bi thu seinn sa Bheurla? Tha dol gu math leis a’ chòmhlan phop Swnami às ‘a Chuimrigh. Ged a chaidh iarraidh orra roimhe seinn sa Bheurla, dhiùlt iad, is iad ’son cumail ri an cànan màthaireil, a' Chuimris. Cluinnidh sinn bho fheadhainn a th' ann an còmhlain a bhios a’ seinn sa Ghàidhlig mar a thathas a’ gabhail riutha ann an saoghal a’ chiùil.

Ceòl bho Graham Colton, BEKA, The Fratellis ,Kygo le Tina Turner agus mòran eile.

www.bbc.co.uk/feasgar