An dealbh-chluich Emilia ri fhaicinn air-loidhne

Tha Lana Pheutan a' toirt dhuinn a beachd air an dealbh-chluich Emilia. Chaidh a chlàradh nuair a bha e ga shealltainn ann an taigh-cluiche Shakespeare's Globe ann an Lunnainn bho chionn dà bhliadhna. Tha cothrom ann a-nis na thogras tu fhèin a phàigheadh airson fhaicinn air-loidhne.

Tha an còigeamh leabhar bho James Rebanks - English Pastoral: An Inheritance mu thràth air ainmeachadh air liosta bhon Sunday Times de na leabhraichean as fheàrr a reic. Gheibh sinn beachd Theàrlaich Quinnell air an leabhar.

Agus tha mòran connspaid ann mu ìomhaigh ùr a chaidh fhoillseachadh mar chuimhneachan air Mary Wollstonecraft, sgrìobhadair agus feimineach a bha beò san 18mh linn. 'S e ìomhaigh chloiche a th' ann de bhoireannach rùisgte. A bheil seo a' dèanamh dìmeas air còirichean bhoireannaich neo a bheil còir againn fhaicinn mar ealain? Agus dè an eachdraidh-beatha a bh' aig Mary Wollstonecraft? Tha Catriona Lexy Chaimbeul air a bhith a' rannsachadh.

Ceòl bho Clara Mae, Julian Taylor Band, Dadi Freyr, Harry Styles is eile.

bbc.co.uk/feasgar