Mòr Nicleòid air Bàrd Iarsiadar

Rinn Iain Mac a' Ghobhainn, Seonaidh Phàdraig, Bàrd Iarsiadar diofar sheòrsaichean bàrdachd - òrain aotrom mu thachartasan agus mu dhaoine leithid Òran an t-Seana Ghille, dàin sa bheil e ag innse seann sgeulachdan agus grunn dhàin fhada dhomhainn, leithid Spiorad a' Chathrannais, pìos cho ainmeil 's a rinn e. Anns a' bhàrdachd aige chì sinn gu robh taobh mòr aige ri daoine bochd agus ri strì an fhearainn ged is ann do mhuinntir an tac a bha e fhèin. Rugadh e ann an Iarsiadair a Leòdhas ann an 1848. B' e athair Pàdraig Fhearchair aig a robh tac Iarsiadair, agus b' i a mhàthair Seònaid Dhoiligean à Tàcleit , a bhàsaich agus e na leanabh. Cha robh a bheatha furasta le dìth na slàinte agus a seo tha Mòr Nicleòid, i fhèin à Iarsiadar, ag innse eachdraidh a bheatha agus a' breithneachadh air a bhàrdachd dha Neen Nicaoidh ann an 1988.