Suidheachadh siubhail na Spàinn

Tha tòrr air a bhith anns na naidheachdan mu shiubhal ri linn a' chorona-bhìorais, agus an Rìoghachd Aonaichte air quarantine a mhaireas ceala-deug iarraidh air luchd-siubhail a' tilleadh bhon Spàinn a-rithist air sgàth ‘s gu bheil rabhaidhean ann a thaobh mar a tha a' bhìoras a’ sgapadh a-rithist. Cluinnidh sinn na naidheachdan as ùire aig an eòlaiche-siubhail Daibhidh Byrne.

Tha sgeama ùr aig an riaghaltas, Eat Out to Help Out, far am faigh sinn suas ri £10 far a' chunntais againn ann an àiteachan-bìdh Diluain, Dimàirt agus Diciadain tron Lùnastal. Ach a bheil seo a' dol an aghaidh comhairle às ùr mu fhallaineachd agus a bhith a' call cuideam airson ar slàinte?

Tha Lana Pheutan air ais agus i a' toirt sùil air an t-sreath telebhisean, Motherland, a th' air nochdadh air Netflix o chionn ghoirid.

A bharrachd air a sin, tha measgachadh ciùil againn mar as àbhaist, bho leithid Gavin James, Kawala agus Rhys Lewis.