Lilidh NicChoinnich bhon Tairbeart

Ged is dòcha a dh’aithnicheadh daoine i mar treas bhean an sgrìobhadair ainmeil, Compton MacKenzie, bha e soillear bho sgeul Lilidh Nic Suain, nighean Chaluim a’ Bhreabadair, às an Tairbeart sna Hearadh, gu robh i na caractar glè chomasach, i fhèin. Rugadh i ann an 1918 is chaochail i ann an 2010, agus tha a sgeul beatha a' leigeil fhaicinn, gu soilleir, nach b’ e boireannach àbhaisteach a bh' innte.

Cha robh i ach ochd bliadhna a dh’aois nuair a chuir i eòlas air Compton an toiseach is e a' tadhal air a pàrantan, leis an robh e glè chàirdeil, agus sa phrògram sa tha i ag innse mar a lean a ceangal ris fad a beatha gus, mu dheireadh, a phòs iad. A seo bha i ann an còmhradh ri Aonghas Dubh MacNeacail ann a 1988.