Episode 15

Tha gràin an aghaidh nan Iùdhach a' fàs air feadh na Roinn Eòrpa. Tha tèarainteachd a-nis a dhìth air mòran shionagogan, agus tha cuid de Iùdhaich draghail mu bhith ga dhèanamh foilleasach gu bheil creideamh aca air an t-sràid. Tha a' Ghearmailt air àrdachadh fhaicinn ann an ionnsaighean an aghaidh nan Iùdhach anns na beagan bhliadhnachan a dh'fhalbh – rud a tha gu sònraichte draghail anns a' bhliadhna a thathas a' comharrachadh gu bheil 75 bliadhna bho chaidh na campaichean Nàsach, Auschwitz nam measg, a shaoradh. Chaidh còrr is sia millean Iùdhach a mhurt aig làmhan nan Nàsach aig àm an Dàrna Cogaidh. Tha an àireamh de Iùdhaich a thàinig beò bhon Holocaust a' tuiteam gach bliadhna, ach tha rabhadh aig na tha air fhàgail mu na cunnartan a tha an lùib gràin an aghaidh nan Iùdhach anns an latha an-diugh. Tha Anndra MacFhionghain ann am Berlin gus cluinntinn bho fheadhainn a tha air fulang le ionnsaighean, agus gus cluinntinn mu na ceumanan a thathas a' gabhail gus feuchainn ri cuir às de ghràin an aghaidh nan Iùdhach.

Anti-Semitism is on the rise throughout Europe. Many synagogues now require tight security, and many Jewish people are worried about publicly expressing their faith on the street. Germany has seen a rise in anti-Semitic attacks over the last few years – something which is particularly worrying in the year in which the 75th anniversary of the liberation of many concentration camps, Auschwitz amongst them, is being remembered. Over six million Jews were murdered at the hands of Nazi Germany during World War Two. The number of Jewish survivors from these atrocities is falling every year, but those that are left warn of the dangers which accompany anti-Semitism today. Andrew MacKinnon is in Berlin to hear from those who have suffered from recent attacks, and to hear about what can be done to curb this rise in prejudice.