Yoga? Eacarsaich no sochrachadh inntinn?

Tha an t-Ollamh John Oxford, Eòlaiche Bhìorasan ann an Oilthigh Bàn Rìgh Màiri ann an Lunnainn air a ràdh gu bheil còir againn a bhith seachnadh cudailean bho dhaoine agus cuideachd nach bu chòir dhuinn a bhith crathadh làimh ri chèile. Tha seo air sgàth agus cho furasta sa tha bhìosrasan a’ sgaoileadh nuair a tha sinn a’ dèanamh a leithid. Ach tha fhios gur e saoghal gu math duilich a bhitheas againn ma dh’fheumas a leithid tachairt, agus cò ris a tha seo gu bhith coltach do dhaoine a dh’fheumas coinneachadh ri tòrr agus co-fhaireachdainn a shealltainn.

Tha leabhar ùr mu Yoga air nochdadh The Story of Yoga: From Ancient India to the Modern West le Alistair Shearer. Nochd artaigeil air an leabhar ‘san iris The Spectator, a togail cheistean mu Yoga ‘s mar a tha e air atharrachadh thar na bliadhnaichean. Eil sinn air ‘cridhe’ Yoga a chall agus a bheil cus cudrom ga chur air mar eacarsaich seach a bhith socrachadh inntinn? Tha Ishi NicIlleathain, Amnisha McCoy agus Eilidh Nicleòid a’ toirt am beachdan air na tha Shearer a ràdh.

Tha dà fhichead bliadhna ann bho thòisich duaisean Brit. Thèid na duaisean a thoirt seachad a-nochd agus chìthear an cuirm beò air an telebhisean. Bha Michelle NicDhòmhnaill a' toirt sùil air an fharpais. bbc.co.uk/feasgar