29/01/2020

Bryn Tomos sy'n egluro beth yw brechdan byd, pan fo darnau o fara'n cael eu gosod mewn lleoliadau sy'n union gyferbyn a'i gilydd yn y byd.

Pam nad yw cyfraniad y merched i lyfrau a chylchgronau Cymraeg wedi bod yn cael eu cydnabod dros y blynyddoedd? Mari Emlyn sy'n holi wrth ddarganfod cyfraniad ei nain Eirys Edwards yn darlunio i gylchgrawn Cymru'r Plant, er mai ei thaid, Ifan ab Owen Edwards sy'n dueddol o gael y clod i gyd.

Rhwng 1949 a 1963 gorfodwyd 100,000 o Gymry rhwng 17 a 21 oed i wasanaethu yn y lluoedd arfog am hyd at ddwy flynedd. Yn y rhaglen gyntaf o bedair fydd yn cael ei ddarlledu dydd Sul ar Radio Cymru, clywn gan y genhedlaeth wnaeth Wasanaeth Milwrol Cenedlaethol, ac un o'r rhieni yw Selwyn Jones o Landdona.

A cheisio egluro pam fod rhai'n llwyddo yn fathemategol tra mae eraill yn cael strach i ddeall rhifau wna Tudur Davies o Brifysgol Aberystwyth, wrth i ddosbarth cyfan o ddisgyblion yng Nghaerdydd ennill A* yn eu harholiadau TGAU Mathemateg.