Peigi NicDhonnchaidh à Ramasaig san Eilean Sgitheanach

Chaidh Peigi NicDhonnchaidh à Gleann Dail san Eilean Sgiathanach 's an duine aice a New York, ann a 1922 air Donaldson Liner air turas a mhair deich là. Bha iad ann a New York aig àm a' Wall Street Crash ann a 1929 agus tha i a' dèanamh dealbh drùidhteach do Chailean MacIllEathain air mar a bha cùisean aca fhèin agus aig daoine eile sna làithean sin. Thill iad a Bhreatainn agus bha iad ann a Lunnainn aig àm a’ Bhlitz agus, mar a tha i ag innse, cha bheag an cunnart san robh iad san ùine sin. Bhruidhinn Cailean MacIllEathain ri Peigi aig aois 93 ann a 1987.