An t-Urr Pòl Moireach, Eaglais Shaor Cheann a' Loch

Anns an t-seirbheis, cluinnidh sibh na sailm agus an leughadh a leanas:
Salm 95: 6-7 air fonn Bedford agus 's e Tormod Mac a' Ghobhainn a tha os cionn na seinn le taic bho choitheanal Eaglais Shaor Chrois
Salm 84: 11-12 air fonn Moravia agus 's e Murchadh Moireasdan a tha os cionn na seinn le taic bho choitheanal Eaglais Shaor Sgalpaigh
Salm 16: 10-11 air fonn Kilmarnock agus 's e an t-Urr Seumas Dòmhnallach a tha os cionn na seinn le taic bho choitheanal Eaglais Shaor Gharraboist.

Leughadh: Litir an Abstoil Pòl a-chum nan Philipianach 1: 12-30
Ceann-teagaisg: Litir an Abstoil Pòl a-chum nan Philipianach 1: 21

'S ann à Nis ann an Eilean Leòdhais a tha Pòl agus às dèidh dha an sgoil fhàgail, chaidh e a Ghlaschu far an robh e ag ionnsachadh mu choinneamh obair ann a bhith a' stiùireadh gnìomhachas togail. Nuair a bha e deiseil, thill e air ais a Leòdhas agus bha e ag obair aig companaidh togail athar.

Airson iomadach bliadhna bha Pòl a' faireachdainn gun robhas ga ghairm chun na ministrealachd, agus anns an t-Sultain 2014 lean e an t-slighe sin le bhith a' tòiseachadh air cùrsa ann an Sgoil Dhiadhaireachd Dhùn Èideann.

Tha Pòl pòsta aig Amanda a bhuineas don Òb sna Hearadh agus tha triùir a theaghlach aca. Thuige seo, chan eil mòran ùine air a bhith aig Pòl airson cur-seachadan ach a bhith a' leughadh agus a' cur seachad nas urrainn dha de dh'ùine còmhla ri theaghlach.