Ag ullachadh airson na Nollaig

Na dh'fheumas sibh:

Diofar dathan de shnàth

Siosar

Rola cairt (toilet roll tube)

Rùilear

Mar a nì sibh e:

Geàrr an rola cairt ann an trì pìosan.

Geàrr pìosan fada den t-shnàth.

Còmhdaich am pìos cairt leis an t-shnàth. Feumaidh sibh na pìosan fhada fhàgail an-dràsta.

Nuair a tha còmhdach air a’ chairt, gabh greim air na pìosan snàth còmhla agus slaod iad tron phìos cairt. Cuir snaim timcheall air na pìosan faisg air mullach nam pìosan fada gus am bi seòrsa de pom pom aig mullach na bonaid.

Fàg pìos snàth fada airson a’ bhonaid a’ chrochadh air a’ chraoibh.

Faodaidh sibh na bonaidean agaibh a’ sgeadachadh le sequins no putain bheaga mar a thogras sibh. 

Na dh’fheumas sibh: 

Meadhan rola pàipear – (toilet roll cardboard tube) 

Pìosan pàipear donn

Pìoban glanaidh donn (brown pipe cleaners)

Pom poms no putain dearg

Sùilean googly

Glaodh

Siosar

Pìos ribean no sreang

Teip steigeach

Mar a nì sibh e:

Geàrr na rolaichean pàipear ann an dà leth.

Cleachd an glaodh gus còmhdach pàipear donn a chur air an rola. (Mura bheil pàipear donn agaibh, faodaidh sibh peann a chleachdadh gus dath a chuir air).

Cuir toll tro gach taobh den rola airson na cabair, le snaim air an taobh a-staigh den rola. Faodaidh sibh toinneamh no dha a chuir air na pìoban glanaidh airson ‘s gum bi iad nas coltaiche ri cabar.

Airson sròin, cleachd an glaodh gus na pom poms no na putain dhearg a chur ann am meadhan na rola.

Cuir sùilean air.

A’ cleachdadh an teip steigeach, cuir pìos sreang no ribean air an rola gus an rèin-fhiadh a chrochadh air a’ chraoibh.