30/11/2018

Dà uair a thìde de cheòl air leth agus còmhradh inntinneach cuide ri Iain Mac'illeMhìcheil, a' craoladh beò à stiùidio a' BhBC ann an Glaschu.
Air Là Naomh Anndra, bidh Iain a’ cur fàilt’ air neach-ciùil cho cliùiteach sa th’ ann, a th’ air an dearbh latha a chomharrachadh ann an iomadh ceàrn den t-saoghal, agus thar iomadh bliadhna.
'S e Fergie Dòmhnallach à Mùideart a bhios còmhla ris air an t-seachdain-sa. A bharrachd air a bhith a’ bruidhinn mu na cuirmean sònraichte a bha sin, bidh Fergie ag innse dhuinn mun leabhar ùr aige, The Moidart Sniper.
Gheibh e cothrom cuideachd ceithir roghainnean ciùil pearsanta a thaghadh.
Agus mar as àbhaist, bidh measgachadh sgoinneil de sheinneadairean is còmhlain aig Iain fhèin dhuinn. Tha iad sin uile air an taghadh eadar Americana, folk, ceòl Ceilteach is Country & Western, le seann òrain agus feadhainn a tha buileach ùr air an clàradh.