09/10/2018

O spiralizer i beiriant pobi i feicrodon, beth yw teclynnau gorau a gwaethaf eich cegin? Alison Huw sy'n trafod gyda Shân pa declynnau sy'n cael eu defnyddio bob dydd, a pha rai sy'n dal mewn bocs yng nghefn y cwpwrdd.

Chwe deg mlynedd ers cyhoeddi Te yn y Grug gan Kate Roberts, mae 2019 yn gyfle i ddathlu'r gyfrol. Cefin Roberts ac Al Lewis sy'n sôn am sioe gerdd newydd yn seiliedig arni, gyda'r cyfanwaith i gael ei berfformio gan Gôr yr Eisteddfod yn ystod wythnos y Brifwyl yn Llanrwst.

Mae Shân hefyd yn cael cwmni Bethan Hughes a Bethan Elfyn, i nodi Wythnos Llyfrgelloedd 2018, ac i gyd-fynd â hynny mae 'na gyfle i glywed ail bennod ein Llyfr Bob Wythnos, sef Yn Fflach y Fellten gan Geraint V. Jones.