Feasgar air Diciadain

Tha an t-Seirbheis Slàinte Nàiseanta a' comharrachadh trì fichead 'sa deich bliadhna an t-seachdain seo. Anns a' phrògram an -diugh, a-màireach agus an-earar tha sinn gu bhith a' toirt sùil air trì leabhraichean a chaidh a sgrìobhadh bho chionn ghoirid le feadhainn aig an robh diofar dhreuchdan anns t-Seirbheis. An-diugh Admissions: A Life in Brain Surgery le Henry Marsh agus se Ailean Mac an Tuairneir a th'air a bhith ga leughadh dhuinn.
A bheil sib' fhèin fallain agus toilichte na ar seann aois? Tha bailtean ann an Ameireagaidh, far a bheil iad a' brosnachadh dhaoine a bhith beò gu seann aois. Tha iad a' cleachdadh dòighean beatha nan daoine bho àiteachan air feadh an t-saoghail a tha aithnichte airson beatha mhaireannach. Dè na cleachdaidhean a tha dèanamh diofar agus ciamar a tha na daoine is aosda a dh'aithnicheas sinn a' cumail òg.

Tha daoine beagan nas buailtiche a bhith ag ithe a-muigh aig taighean seinnse agus àiteachan bìdh tro na làithean saora na tha iad aig amannan eile den bhliadhna. An t-seachdain 'sa nochd rannsachadh bho air feadh Bhreatainn ag innse mu na sgìrean as miosa agus as fheàrr a thaobh sàbhailteachd bìdh. Ma tha sibh ann am Birmingham no Hyndburn, bithibh faiceallach oir cha do rinn na sgìrean sin ro mhath anns an rannsachadh. Tha Christine Mhoireasdan a' rannsachadh àiteachan a tha a' reic biadh agus mìnichidh i mar a tha an sgrùdadh ga dhèanamh. bbc.co.uk/feasgar.