Elis Gwyn

Karen Owen yn sgwrsio â phobl am yr amryddawn Elis Gwyn, a thrwy wneud hynny'n cael darlun o ddyn a gafodd ddylanwad mawr ar gelf a drama yng Nghymru.

Yn ogystal â chlywed gan ei weddw, Mair Jenkin Jones, a'i ferch, Manon Gwyn Jones, mae Karen hefyd yn cael cwmni dau o'i gyn-ddisgyblion. Mae Maredudd ab Iestyn ac Alun Jones ill dau yn adlewyrchu'r dylanwad mawr y cafodd Elis Gwyn ar genedlaethau o blant Llŷn ac Eifionydd.