Feasgar air Diciadain

Tha bùth Sainsbury's air a ràdh gu bheil iad an dùil tòiseachadh air broilleach circe a' reic ann an dòigh ùr - air a phacadh ann am pìos plastaig far nach tèid ar làmhan faisg air an t-sitheann. Ach carson a thathar an dùil seo a dhèanamh? Uill as dèidh rannsachadh tha e coltach gu bheil an t-eagal uabhasach air Generation Y, sin daoine bho 35 bliadhna dh'aois, puinnsean bìdh fhaighinn bhon a bhith a' làimhseachadh feòil a tha amh. Tha Sainsbury's cuideachd dhen bheachd gun obraich seo airson daoine a th'ann an cabhag gus rudan a dhèanamh nas fhasa dhaibh.
Tha Facebook a' toirt barrachd buaidh air beachdan dhaoine na gu leòr de riaghaltasan agus companaidhean mòr eile agus na billeanan do dhaoine air feadh an t-saoghail ga chleachdadh gach latha. Ach dè a tha sinn ag innse mu ar deidhinn fhèin air na meadhanan sòisealta - tha Dòmhnall I Dòmhnallach a' toirt comhairle air mar a thèid againn air dìon a dhèanamh air fiosrachadh pearsanta.

Tha còig bliadhna fichead ann an dràsta fhèin bho chaidh balach òg a mhurt ann a Lunnainn. Bha ainm a' bhalaich air bilean an t-shluaigh fad ùine mhòr air sgàth 's an adhbhar a chaidh a chur gu bàs agus na ceistean a chaidh a thogail mu dheidhinn trioblaidean gràinn-cinnidh anns an rìoghachd. Tha Dòmhnall Ruadh Mac a' Ghobhainn air a' chiad phrògram telebhisean de thrì fhaicinn agus tha e a' cuir an sgeulachd nar cuimhne. bbc.co.uk/feasgar.