Coinneach madainn Diciadain

Beachd air an t-suidheachadh anns a bheil seirbheisean ionadail air sàillibh ghearraidhean ionmhais. Faighnichidh sinn do thriùir a bha an sàs ann an obair chomhairlichean thar nam bliadhnaichean, sùil farsaing a thoirt air dè a tha a' tachairt agus càite an stad e?

Bruidhnidh sinn ri Neach-deasachaidh "Am Pàipear", Iain Steafain Moireasdan, mun artaigil a sgrìobh e ann an iris na mìos seo far a bheil e a' dèanamh dealbh gu math dubhach air eaconamaidh Uibhist. Gheibh sinn beachd thriùir Uibhistich eile air an t-suidheachadh. A bheil iadsan ag aontachadh gu bheil cùisean cho dona 'sa tha Iain Steafain a dèanamh a-mach? Dè dìreach na duilgheadasan a th' ann? A bheil dòchas ann gu fàs cùisean càil nas fheàrr?

Tha naidheachd air nochdadh an t-seachdain 'sa gu robh ceanglaichean làidir eadar Jeremy Corbyn agus riaghaltas Czechoslovakia anns na h-ochdadan. Chan e seo a' chiad uair a chaidh leithid do chasaidean a chuir às leth Ball Pàrlamaid Làbarach. Tha Murchadh MacLeòid a' cuimhneachadh mar a bha cuid a' cumail a-mach gu robh an KGB a feuchainn ris am BP Tam Dalyell fhastadh. bbc.co.uk/coinneach.