05/01/2018

Dà uair a thìde de shàr cheòl is còmhradh còmhla ri Iain Mac 'ille Mhìcheil, a' craoladh beò à stiùdio a' BhBC ann an Glaschu. An t-seachdain-sa, bidh sinn a' cur fàilt' air Màiri Anna NicIomhair à Calanais ann an Leòdhas. Tha Màiri Anna air a bhith an sàs ann an obair thurasachd bho chionn grunn bhliadhnaichean, an toiseach 's na h-Eileanan Siar agus a-nis còmhla ri companaidh siubhail ann an Glaschu. Tha ùidh mhòr aice fhèin ann a bhith a' siubhal agus a' faighinn eòlas air iomadh ceàrn den t-saoghail. Bha i aig aon àm ag obair gu saor-thoileach anns na h-Innseachan is Tanzania agus tha i air saor-làithean a chuir seachad ann an Canada, na Stàitean Aonaichte agus Astràilia, a bharrachd air àireamh mhath de bhailtean-mòra na Roinn Eòrpa. Cluinnidh sinn seanchas Mhàiri Anna, agus ceithir de na roghainnean ciùil pearsanta aice. A bharrachd air a sin, bìth measgachadh math de cheòl is òrain air a thaghadh dhuinn le Iain fhèin, a' toirt a-steach cuid de na guthan 'Country' is fheàrr a th'ann.